Zelenski nazirin istefasını təsdiqləyib
Ukrayna Prezidenti Volodimir Zelenski Aleksey Reznikovun Ukraynanın müdafiə naziri vəzifəsindən azad edilməsini təsdiqləyib.
AYNA UNİAN-a istinadən xəbər verir ki, bu barədə “RBC-Ukrayna” dövlət başçısının videomüraciətinə istinadən məlumat yayıb.
Prezidentin sözlərinə görə, bundan sonra müdafiə naziri Rüstəm Umerov olacaq.
 “Ukrayna Ali Şurası bu şəxsi yaxşı tanıyır və cənab Umerovun əlavə təqdimata ehtiyacı yoxdur. Mən Ali Radanın bu namizədliyi dəstəkləyəcəyini gözləyirəm” – Zelenski vurğulayıb.
Qeyd edək ki, dünən Reznikov müdafiə naziri vəzifəsindən istefa verdiyini açıqlayıb.