İrəvandakı seçkilərdə səslər sayıldı... Paşinyanın partiyası qalib gəldi... Lakin...

Yerli vaxtla saat 06.00-da Ermənistan Mərkəzi Seçki Komissiyası İrəvan Ağsaqqallar Şurasına (paytaxtın nümayəndəli orqanı) seçkilərdə səslərin elektron hesablanmasını başa çatdırıb. 475 seçki məntəqəsinin hamısının nəticələrinə yekun vurulub.
 

Moderator.az xəbər verir ki, bu haqda News.am məlumat yayıb.
 
28,46%-lik rekord aşağı seçici fəallığı ilə (824,250 seçicidən yalnız 234,553-ü seçkiyə gəlib) hakim Vətəndaş Sazişi(“VS”) partiyası Pir qələbəsi qazanıb. Seçicilərin 32,57%-i (75 463 səs) ona səs verib ki, bu da bu siyasi qüvvəyə Ermənistan paytaxtının merini müstəqil şəkildə seçmək imkanı vermir. Yada salaq ki, beş il əvvəl “məxməri inqilab”dan eyforiya fonunda keçirilən paytaxt seçkilərində onun liderinin siyasi qüvvəsi 81,06% (294 109 səs) toplamışdı. Yəni elektorat dəstəyi xeyli azalıb.
 
Sentyabrın 17-də keçirilən seçkilərdə ikinci yeri siyahısına Paşinyanın keçmiş müttəfiqi Hayk Marutyanın başçılıq etdiyi, mötədil qərbyönlü fikirlərini gizlətməyən “Milli Tərəqqi” partiyası tutub. Seçicilərin 18,89%-i (43 765 səs) “Milli Tərəqqi”yə səs verib.
 
Üçüncü yerdə 15,43% (35 739 səs) ilə rusiyayönlü “Ana Ermənistan” bloku qərarlaşıb. 
 
Dördüncü yeri Ermənistanın KTMT-dən və Avrasiya İqtisadi Birliyindən- çıxmasının tərəfdarı olan “Respublika” partiyası tutub. Bu partiya çox güman ki, ölkədə hakim “VS” ilə koalisiya yaradacaq. Onu 11,32% (26,236) dəstəkləyib. Gözlənilən sürpriz 9,68% (22 431) ilə beşinci yerdə qərarlaşan “İctimai səs” partiyasının yüksək nəticəsi  olub...
Qalan 9 siyasi qüvvə topladıqları səslə 5 il müddətinə seçilən İrəvan Ağsaqqallar Şurasına daxil olmayıb.

---

---