“Şərəflərini ayaq altına atırlar” - Xırdalanda dözülməz vəziyyət

         Bunu Vətəndaş Həmrəyliyi Partiyasının sədri Sabir Rüstəmxanlı deyib. O, bildirib ki, belə bir acı peşmançılıq duyğusunu Yeni Yasamala gedəndə yaşayır. S. Rüstəmxanlı hər iki yerdə nə maşına nə də piydaya yol olmadığını qeyd edir:
“Deməyə söz tapmırsan! Hansı acı söz, hansı ittiham ürəyini soyuda bilər? Niyə bizim bu ev tikənlərimiz vicdanı, məsuliyyəti, qanun qorxusunu yaddan çıxarırlar. Bunlar anlamırlarmı ki, buraları görən hər kəs 10 ildən, 30 ildən sonra da, Bakının böyründə, Xırdalan kimi bir yerdə bu cür vəhşl qazanc ehtirasıyla ev tikənlərin ata-babasını gorundan çıxaracaq, onda urvatlı bir yer qoymayacaq!..
Görəsən dünyanın hansı vəhşı tayfası 15-20 qatlı binaların ətrafında darısqal da olsa bir səki yeri saxlamaz. Üz-üzə binalarda bir balkondan o birinə tullanmaq olar! Doğrudanmı, on illər boyu əzizlərinin ən ağır söyüşlərlə söyülməsinə razı olurlar, amma binanı bir addım geri çəkə bilmirlər?..
Niyə şərəflərini, adlarını qazanca, mal-mülkə görə belə asanca ayaq altına atırlar? Bəs bu şəhər sizin, bizim deyil? Bəs bu binalarda sizin xalqınızın övladları yaşamayacaq? Axı bu nəhəng evlər gündə sökülüb yenidən tikilmir. Məgər hər kim harda balaca bir boş yer tapınca orda bir göydələn ucaltmalıdır? Bəs bu Xırdalan deyilən şəhərin bir sahibi yoxdur?”.( “Yeni Sabah”)
Tarix: 13-05-2019, 10:13
Xəbəri paylaş





Xəbər lenti