Tarix ironiya ilə doludur... - “Rusiya ABŞ-la açıq qarşıdurmaya getməyəcək...” - ŞƏRH


Tarix ironiya ilə doludur...  - “Rusiya ABŞ-la açıq qarşıdurmaya getməyəcək...” - ŞƏRH
Bu gün geosiyasi vəziyyət elədir ki, Polşa və digər Avropa ölkələrinin ərazisində nə qədər çox Amerika qoşunu olsa, bir o qədər yaxşıdır.
 
Moderator.az xəbər verir ki, bunu tarixçi Pavel Ventskovski “Radio Maryja”ya verdiyi müsahibədə bildirib. O, izah edib ki, bu gün Rusiya keçmiş SSRİ-nin nüvə gücündən uzaqdır, ona görə də ABŞ-la açıq qarşıdurmaya getməyəcək.
 
“Fikrimcə, prezident Bayden Putinlə açıq kartlarla oynayıb. O, vəziyyəti aydın şəkildə açıqladı. Biz polyaklar və bütün Avropa, Mərkəzi və Şərqi Avropanın sakinləri ilk növbədə NATO-nun şərq cinahının güclənməsinə sevinməliyik. Açığını deyim ki, hazırda Ukraynadakı hərbi əməliyyatların bizə birbaşa aidiyyatı yoxdur”, - deyə polşalı tarixçi bildirib. Pavel Ventskovski “Radio Maryja” ilə söhbətində vurğulayıb ki, Allah eləməsin, hətta qonşu Ukraynada iş hərbi əməliyyatlar həddinə çatsa belə, bu, Polşadakı təhlükəsizlik vəziyyətinə təsir etməyəcək.
 
“...Biz NATO, Aİ üzvü olan bir ölkəyik və bizim ərazimizdə Amerika əsgərləri yerləşdirilib. Rusiya amerikalıların yerləşdiyi yerə girməyəcək. Rusiya çox sadə səbəbə görə ABŞ-la açıq qarşıdurmaya can atmayacaq: Rusiya Sovet İttifaqı deyil, onda SSRİ-də olan nüvə və iqtisadi güc yoxdur. Nəticə etibarı ilə o, ABŞ kimi bir güclə heç bir münaqişəyə getməyəcək”, - deyə ekspert izah edib.
 
O, nəticə çıxarmağa risk etmir. Vladimir Putin Ukrayna ilə güc qarşıdurmasına hazırdırmı? “Ola bilsin ki, o, sadəcə qorxudur, bəlkə də həm Ukraynanın, həm də geniş şəkildə başa düşülən Qərbin gücünü sınayır. Və ya ola bilsin ki, o, həqiqətən də vəziyyətin Ukraynanın işğalı ilə aradan qaldırılmalı olan güclü xoraya bənzədiyi qənaətinə gəlib”, - deyə polşalı tarixçi iddia edib. Onun fikrincə, Rusiyaya bütün Ukrayna lazım deyil - ilk növbədə, Krıma quru yolu əldə etmək istəyir.
 
Müsahibədə o, diqqəti mühüm bir məqama, yəni Rusiya ilə Qərb arasında açıq münaqişə vəziyyətində Çinin özünü necə aparacağına yönəldib. Bir tərəfdən Çin Moskvaya dəstək verə və ya sadəcə olaraq ABŞ və Qərbi Avropa ilə qarşıdurmada onun məğlubiyyətini gözləyə bilər. “Rusiya həqiqətən oyundan çıxsaydı, mən inanıram ki, Çin qoşunları artıq Sibirdə olar və ora nəzarəti ələ keçirərdi, çünki Sibirdə Mendeleyevin dövri cədvəlindəki bütün elementlər var... Axı, Sibir yataqlarına sahib olan dünyada bütün enerji resurslarının ən azı yarısına nəzarət edir”, - deyə o izah edib.
 
Polşalı tarixçi hesab edir ki, bu gün Amerika və ya Britaniya qoşunlarının olması həm Polşa, həm də digər Avropa ölkələri üçün əlverişlidir. “Hazırda geosiyasi vəziyyət elədir ki, Polşa ərazisində nə qədər çox xarici qoşun olsa, bir o qədər yaxşıdır. Hər şey 18-ci əsrdə olduğundan fərqlidir, lakin tarix ironiya ilə doludur”, - deyə Pavel Ventskovski xəbərdarlıq edib.
Tarix: 18-02-2022, 14:57
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman