Hitlerin təbliğat naziri Cozef Göbbelsin "evi yıxılacaq" - Berlin villanın xərclərindən qurtulmaq istəyir

Berlin hökuməti Almaniyanın paytaxtının şimalında yerləşən böyük boş ərazinin yenidən təyinatı ilə bağlı onilliklər boyu davam edən mübahisəyə son qoyaraq, vaxtilə Adolf Hitlerin təbliğat naziri Cozef Göbbelsə məxsus olan villanı şəhərə “hədiyyə etməyi” təklif edib. Berlin administrasiyası artıq 42 hektar ərazidə tikilən villanın xərclərini qarşılamaq istəmir. Heç kim buranı almaq istəməsə, son həll yolu onu buldozerlə dağıtmaq olacaq.

Bizimyol.info xəbər verir ki, Berlinin maliyyə naziri Stefan Evers əyalət parlamentində çıxış edərək Hitlerin təbliğat naziri Cozef Qebbelsə məxsus villanı sökmək istədiklərini bildirib. Evers: "Hər kəsə Berlin əyalətinin hədiyyəsi olaraq buranı almaq tövsiyə edirəm", - deyib.
Evers: "Keçən onilliklərdə olduğu kimi yenidən uğursuzluğa düçar olsaq, Berlinin artıq hazırladığımız dağıntı planını həyata keçirməkdən başqa yolu qalmayacaq", - deyib.
Berlin dəfələrlə böyüyən və baxımsız qalan kompleksin saxlanması və təhlükəsizlik xərclərini ödəməkdənsə, torpağı federal orqanlara və ya villanın yerləşdiyi Brandenburq əyalətinə verməyə cəhd edib. Amma indiyə qədər bunu qəbul edən qurum və ya şəxs tapılmayıb.
Hitlerin ən yaxın müttəfiqlərindən biri olan Göbbelsin Berlindən təxminən 40 kilometr şimalda, Vandlitz şəhəri yaxınlığında, Bogensee gölünə baxan meşəlik ərazidə 1939-cu ildə tikilmiş lüks villası var idi.
Ərazi 1936-cı ildə 39-cu doğum günü münasibətilə Berlin şəhər hökuməti tərəfindən Göbbelsə hədiyyə edilib. 1939-cu ilə qədər Göbbels burada şəxsi kinoteatr, bunker və SS kazarmaları da daxil olmaqla böyük bir bağ evi tikdi. Həyat yoldaşı və altı uşağı ilə birlikdə yaşadığı Berlindən uzaqlaşan Goebbels villadan nasist liderlərini, rəssamlarını, aktyorlarını qəbul etmək və gizli işləri üçün "sevgi yuvası" kimi istifadə edib.
Müharibədən sonra, 42 hektar ərazi qısa müddət ərzində xəstəxana kimi istifadə edilib, sonra Şərqi Almaniya Kommunist Partiyasının gənclər qanadı tərəfindən ələ keçirilib və bir neçə böyük yaşayış bloku da daxil olmaqla Şərqi Azad Alman Gəncləri üçün təlim mərkəzinə çevrilib.
1990-cı ildə Almaniyanın yenidən birləşməsindən sonra ərazinin mülkiyyəti Berlin əyalətinə qaytarılıb. Ancaq şəhər bunun üçün istifadəçi tapa bilməyib. Ərazi o vaxtdan yalnız villanın pəncərələrindən baxa bilən gündəlik ziyarətçilər üçün cazibə mərkəzinə çevrilib.

---

---