Avropadan qovulan diplomatlar MDB-yə göndərilir - "Hazırda bizim başqa prioritetlərimiz var...”

Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Avropa Birliyindən qovulan rusiyalı diplomatlar işlə təmin olunur. Onun sözlərinə görə, diplomatik heyətin yenidən bölgüsü aparılır, Asiya və MDB istiqamətləri gücləndiriləcək. Diplomat eyni zamanda Avropa Birliyinin "sərxoşluqdan ayılmalı" olduğunu bildirib.

“Diplomatik heyətimizin yenidən bölüşdürülməsi işi davam edir. Bu, təkcə onların mərkəzi aparatda müvəqqəti işləməsi demək deyil. Xeyr, sadəcə olaraq, kadr işinin bütün strukturuna yenidən baxılır. Asiya istiqamətləri, MDB istiqamətləri güclənəcək, Avropa Birliyi də bəlkə sərxoşluqdan atyılsın. Onda yəqin ki, çox gec və çətin olacaq. Amma hazırda bizim başqa prioritetlərimiz var”, - deyə Zaxarova "Rossiya 1" telekanalında "Vladimir Solovyovla bazar axşamı" verilişində deyib.

Rusiyalı diplomat həmçinin ölkəsinin Qərbin qeyri-nəcib və qeyri-qanuni addımlarını cavabsız qoymayacağıı da deyib: “Son vaxtlar, bildiyiniz kimi, addımlar atılıb - bəzi ölkələri dost olmayan elan etmək, müvafiq tədbirlər görmək və s. Burada heç bir variant yoxdur - hardasa bərbad, hardasa sadəcə qanundan, həm beynəlxalq hüquqdan, həm onların daxili, həm də bizim ikitərəfli razılaşmalarımızdan kənar addımlar cavabsız qalmayacaq. Təbii ki, bütün bunlara cavab verəcəyik”.

---

---