Bağça müdirəsi polis bölməsinə aparıldı: icra başçısı isə... - Video
2015-ci il noyabr ayının 2-dən etibarən bağçalara lisenziyanı İqtisadiyyat Nazirliyi ASAN Xidmət vasitəsi ilə verməyə başlayıb. Axar.azxəbər verir ki, bu sözləri RealTV-yə açıqlamasında İqtisadiyyat Nazirliyinin mətbuat katibi Abbas Əliyev bildirib. Onun sözlərinə görə, bu müddət ərzində nazirlik uşaqların Firuzə Tağıyeva adlı müəllim tərəfindən döyüldüyü “Kids Studio Uşaq Mərkəzi” adlı bağçaya lisenziya verməyib. Abbas Əliyev qeyd edib ki, nazirlik bağçanın hansı əsaslarla fəaliyyət göstərdiyindən məlumatsızdır. Məlumata görə, Kids Studio Uşaq Mərkəzinin müdiri Nigar Müseyibov Yasamal Rayon Polis İdarəsinin 26-cı polis bölməsinə aparılıb. Həmçinin Yasamal rayon icra başçısı Əziz Əzizov da başçaya gəlib.