“Gəlin, özümüz-özümüzü aldatmayaq - bir neçə rüşvətxorun tutulmasıyla biz düzələn deyilik...”
Saytlarımızın oxucu qazanmaq xatirinə son dövrlərdə belə xəbərləri sensasiya kimi təqdim etmələri təbiidir: “icra başçısı rüşvət alarkən yaxalandı”, “həkim rüşvət alarkən görüntüləndi” və s.
Fəqət, hamımız yaxşı anlayırıq ki, Azərbaycan gerçəkliyində hər hansı babat vəzifəli məmurun, başçının, eləcə də dövlət xəstəxanasında işləyən həkimin və s. rüşvət alması yox, rüşvət almaması sensasiyadır...
Korrupsiyaya qarşı mübarizədə, kiçik də olsa, atılan addımlara kölgə salmaq niyyətində deyilik, amma gəlin, özümüz-özümüzü aldatmayaq - bir neçə rüşvətxorun tutulmasıyla biz düzələn deyilik- aşağıdan yuxarı hamımız dəyişməsək, əqidə, düşüncə sistemimizi yeniləməsək, bizə istər bu, istər o biri dünyada nicat yoxdur...
Sultan Laçın