Azərbaycan Bayrağı Ordenli şəhid Aslan Hüseynovun övladına kiçik toy mərasimi keçirilib
Noyabırın 12-də 44 günlük Vətən Müharibəsində fədakarlıq nümunəsi göstərərək
şəhidlik zirvəsinə ucalan, rayonun Qaradağlı kəndində doğulub boya-başa çatmış
Azərbaycan Bayrağı Ordenli şəhid Hüseynov Aslan Malik oğlunun övladına kiçik toy
mərasimi keçirilib.Kiçik toy mərasimində Tərtər Rayon İcra Hakimiyyətinin başçısı Müstəqim Məmmədov,
hüquq-mühafizə orqanlarının rəhbərləri, YAP rayon təşkilatının sədri Eldar Əsədov,
Tərtər Cümə Məscidinin axundu Sadiq Cəfərov, Vətən Müharibəsi qaziləri, veteranları,
şəhidin silahdaşları və sakinlər iştirak ediblər.
Tərtər Rayon İcra Hakimiyyətinin başçısı Müstəqim Məmmədov çıxış edərək şəhid
övladına xeyir-dua verib, bildirib ki, şəhidlərimizin canı, qazilərimizin qanı hesabına əldə
etdiyimiz Zəfərə görə onlara borcluyuq. İstər şəhid ailələrinin, istərsə də qazilərimizin
daim yanındayıq, onların sevincinə şərik olub, kədərlərinə üzülürük. Bu bizim mənəvi
borcumuzdur.
Sonra rayon rəhbəri tərəfindən şəhidin övladına hədiyyə təqdim olunub.
Tarix: 12-11-2022, 17:53