Hafiz Hacıyev: “Bəzi məmurların Allah evini yıxsın”

Ötən il Tovuz rayonununda itkin düşmüş 10 yaşlı Nərmin Şərif qızı Quliyevanın meyiti Dondar Quşçu kənd ərazisindəki boş sahədə yandırılmış halda aşkarlanıb.

Bununla bağlı Sonxeber.az-a danışan Müasir Müsavat Partiyasının sədri Hafiz Hacıyev bildirib ki, bu xəbər ona pis təsir edib:
“10 yaşlı uşağı yandırırlarsa, bəzi məmurların Allah evini yıxsın. Onlar sadəcə rüşvət alıb, verməklə məşğuldurlar. Niyə məmurlar dövlətimizin balalarına sahib çıxmırlar. Vəziyyəti niyə bu qədər gərginləşdirirlər. Ailələrlə niyə işlər aparılmır? 10 yaşlı körpəmizi kim yandırıbsa, ona ən sərt cəza verilməlidir. Bu cür biabırçılıq olmaq. Həmin rayonun hüquq-mühafizə orqanları var.

Onlar araşdırmalıdır ki, bu bölgələrdə bu cür cinayətlərin sayı artıb. Son günlər belə cinayətlər daha çox qərb bölgələrində baş verir. 10 yaşlı uşağın yandırılması böyük bir faciədir. Başqa dövlətin insanı öləndə ona yas saxlamağa çalışırıq. Amma özümüz üçün bu yöndə heç edə bilmirik. Düşünürəm ki, bu məsələrin hər birinə ciddi yanaşmalıyıq. Ailə, Qadın, və Uşaq Problemləri Üzrə Dövlət Komitəsi bu işlərlə ciddi məşğul olmalıdır”.

Hafiz Hacıyev vurğulayıb ki, bu hadisəni pisləyir: “Hər birimiz əl-ələ verib bu hadisələrin çoxalmaması üçün geniş işlər görək. Mən bu məsələdə xalqımın hər zaman yanındayam. 10 yaşlı körpənin yandırılması mənim ürəyimi ağrıtdı. Onun valideynlərinin vicdanı yoxdurmu?

Valideynləri niyə onu əmisinin evinə göndəriblər? Burada hansı qisas məqsədi olubsa, bütün bunlar hüquq-mühafizə orqanları tərəfindən araşdılmalıdır. Kiminsə cibinə 5-10 manat qoyub bu məsələni ört-basdır etmək olmaz. Bizim üçün bu hadisə çox sarsıdıcı oldu.

Əgər o uşaq əmisinin evindən yoxa çıxıbsa əmisi buna görə cavab verməlidir. Uşaq niyə yoxa çıxmalıdır? Bütün bunlar araşdırılmalı və üzərinə gedilməli olan məsələlərdir. Bizim dövlətimizə qarşı törədilən təxribatlardır. Bu hadisələr xalq arasında böyük ümidsizlik yaradır.

Bu yöndə ciddi addımlar atmalıyıq. Mən bu məsələ ilə bağlı Tovuz rayonunun polis rəisi ilə danışacam. Araşdırım görüm, bu nə məsələdir. Düşünürəm ki, uşaqlara qarşı bu cür vandalizm törədənlərə qarşı ən sərt cəzalar verilməlidir. Bu uşaqdır. Müqavimət göstərə bilmir. Onlara o cür əzab verib öldürənlərə ölüm hökmdən aşağı cəza verilməməlidir”. 

 Siam.az
Tarix: 7-01-2020, 16:03
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman