Hurriyyet.org xəbər verir ki, Avstraliyada həftələrlə davam edən yanğını nəzarət altına almaq mümkün olmayıb. Fəlakətin miqyası getdikcə artır.
24 nəfərdən çox yaxın insan həlak olub.
Təxminən 500 milyon heyvan qurban gedib.
28 min koalanın məskunlaşdığı Yeni Cənubi Qaller əyalətindəki koalaların 3-dən birinin məhv olduğu bildirilir.
2019-cu ilin sentyabr ayından bəri meşə və çəmən sahələrində təsirli olan və vaxtaşırı yaşayış məntəqələrinə keçən yanğınlar qitəni bürüyüb. Ölkədə fövqəladə vəziyyət elan edilib, hərbçilər də yanğınsöndürənlərə kömək üçün çalışırlar.
2018-ci ilin dağıdıcı Kaliforniya yanğınları və 2019-cu ildə Amazonun yağmur meşələrində baş verən yanğınlar dünya gündəmini zəbt eləmişdi. Lakin indi vəziyyət daha ciddidir.
25 milyon nəfərə qədər əhalisi olan Avstraliyada qarşısının alınması mümkün olmayan yanğın nəticəsində təkcə 3 ay ərzində 5 milyon hektara yaxın meşə ərazisi yanıb kül olub.
Ötən il Sibirdə baş verən yanğınlarda Rusiyanın 3 milyon 71 min hektar, yəni Belçika ərazisi qədər meşə sahəsi külə dönmüşdü, lakin bu ərazilərin çoxunun əhalisi az olduğundan insan itkisi olmamışdı.