Putinin bunker həyatı: Mühafizəçilərə də etibar etmir, şübhələndikləri yoxa çıxır...

Putinin bunker həyatı: Mühafizəçilərə də etibar etmir, şübhələndikləri yoxa çıxır...
Rusiya oliqarxları Putini hər şeyə görə cavabdeh çıxarmaq və onu Qərbə təhvil vermək istəyirlər...
Kreml rəhbəri bütün əlaqələri məhdudlaşdırıb və uduzduğu bu müharibəyə çox şey qoyduğunu anladığı üçün öldürüləcəyindən qorxur...
 
Rusiya prezidenti Vladimir Putin fiziki məhvindən qorxur. Ona görə də uzun müddətdir ki, Kremlə getmir. Ukraynada müharibə başlayandan sonra o, xüsusi mühafizə olunan bunkerə köçüb.
 
Moderator.az xəbər verir ki, bu barədə "Faktı" nəşrinə Sosial-İqtisadi Transformasiya İnstitutunun direktoru İlya Nesxodovski özəl mənbələrə istinadla məlumat verib.
 
"Putinin bunkerdə olması ilə bağlı yayılan xəbərlər doğrudur. Bu kontekstdə onun Türkiyəyə uçması çox şübhəlidir. Kreml rəhbəri bütün əlaqələri məhdudlaşdırıb və uduzduğu bu müharibədə çox şey qoyduğunu bildiyi üçün öldürüləcəyindən qorxur.  Putin çox,  çox qorxur.  İndi onunla bütün söhbətlər yalnız onlayn olur. Heç kəsi ona yaxın buraxmır”, - deyə Nesxodovski bildirib.
 
Onun sözlərinə görə, Putin hamıdan qorxur və hətta öz mühafizəçilərinə belə etibar etmir.
 
“Onun hər kəsi özündən çox uzaq tutması koronavirusa görə deyil, sadəcə olaraq hər hansı  susi-qəsd cəhdindən qorxur, ona görə də heç kim ona 10 metrdən yaxın yaxınlaşmamalıdır... Əlbəttə, bu təhlükəsizlikdir. Düzdür, o güvənmir, nəticədə bəzi mühafizəçilər vaxtaşırı yoxa çıxır: dünən orada idilər, bu gün yoxdurlar. Putin  kimdənsə şübhələndisə,  həmin adam... yoxa çıxır”.
 
O, həmçinin bildirib ki, şayiələrə görə oliqarxlar Putini hər şeyə görə cavabdeh çıxarmaq və onu Qərbə təhvil vermək istəyirlər.
 
"Ancaq indiyədək bu plan təhlükəsizlik qüvvələri arasında dəstək tapmayıb, onların hamısı Putinin tərəfdarıdır. Hətta departamentlərdən birində aparılan təmizləmələrə və ixtisarlara rəğmən... Hər şey ona görədir ki, onları yaxşı "yedizdir"ir.  Eyni zamanda iqtisadiyyat da, sadəcə, olaraq vəziyyətə fəlakətli təzyiq göstərir. Ona görə bəlkə də nəsə dəyişəcək”, - deyə Nesxodovski yekunlaşdırıb.
 
Sultan Laçın
Tarix: 18-03-2022, 21:44
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman