Hamı elə hesab edirdi ki, artıq Adil Əhmədov taleyi ilə barışıb və bundan sonra yenidən hansısa vəzifə kürsüsü uğrunda mübarizə aparmayacaq. Amma bir ibrətamiz məsəldə deyildiyi kimi, Adil Əhmədov fələyin saydığı ilə hesablaşmaq niyyətində olmadığını ortaya qoyub. Belə ki, o yenidən Maliyyə Nazirliyinə qayıtmaq və Samir Şərifovun müşaviri olmaq həvəsinə düşüb. Bu məsələdə nə qədər qəribə də görünsə ona YAP-ın nazirlikdəki şöbəsində vəzifə tutan keçmiş kadrı - bir vaxtlar Maliyyə Nazirliyi yanında Qiymətli Metallara və Qiymətli Daşlara Nəzarət Dövlət Xidmətinin Əyarlama və Damğalama şöbəsinin keçmiş rəisi himayədarlıq-vasitəçilik edənlər arasındadır. Adil Əhmədovun dostları onu inandıra biliblər ki, təqaüd yaşı çatsa da hələ də yüksək postda özünü göstərmək iqtidarındadır. Amma məsələ burasındadır ki, Samir Şərifov ötənlərdə A. Əhmədovun nazirlikdə fəaliyyətindən heç də məmnun qalmayıb və buna görə də onu yenidən Maliyyə Nazirliyi sistemində hansısa vəzifəyə təyinat almasına birmənalı olaraq imkan verməz. Amma hər şey mümkündür, uzun müddət obrazlı ifadə edilsə, ölkənin "baş zərgəri" işləmiş A. Əhmədovdan hamını təəccübləndirən "zərgər gediş" gözləmək də olar...