NATO-da Rusiyaya qarşı münasibətdə fikir ayrıllığı yaranıb

NATO-ya üzv ölkələr Ukrayna ətrafındakı vəziyyətə görə Rusiya Federasiyasına qarşı gələcək addımlar barədə öz aralarında razılığa gələ bilmirlər.

Bizimyol.info xəbər verir ki, bu barədə bu gün “The New York Times” məlumat dərc edib.
Polşa və Baltikyanı ölkələr kimi Mərkəzi Avropa ölkələri Rusiyanı diz çökdürmək istəyirlər. Bunu iki yüksək rütbəli Qərb rəsmisi deyir. Onlar Rusiyanın qələbə kimi təqdim edə biləcəyi hər şeyin Avropa təhlükəsizliyinə ciddi ziyan vuracağından narahatdırlar.
Amma digər ölkələr hesab edir ki, Rusiyanı məğlub etmək asan deyil və müharibənin nəticəsi çox güman ki, xoşagəlməz olacaq. Atəşkəs səs-küylü qələbədən daha çox sarsıdıcı olacaq. Rəsmilər deyir ki, Fransa, Almaniya və Türkiyə kimi ölkələr Rusiya prezidenti Vladimir Putinin qüvvələrinin hərbi cinayətlərdə ittiham edilməsinə baxmayaraq, onunla əlaqə saxlamaq istəyir.
NATO-nun baş katibi Yens Stoltenberq bu həftə deyib: “Moskva Ukraynadakı ambisiyalarından əl çəkmir. İndi biz yenidən qruplaşma, yenidən silahlanma və tədarük üçün qoşunların Kiyevdən əhəmiyyətli dərəcədə çıxarılmasını müşahidə edirik. Rusiya isə diqqətlərini şərqə yönəldirlər”, - deyə o qeyd edib.
Rəsmilər bunun bir neçə həftə çəkəcəyini deyirlər, çünki Rusiya qoşunları yenidən təchizat təmin etmək və quruplaşdırmaq üçün Belarusa qayıdıb. Daha sonra öz texnikasını Rusiya ərazisindən keçərək Ukraynanın şərqinə keçirməyi planlaşdırır.
“Yaxın həftələrdə Rusiyanın Ukraynanın şərqində və cənubunda növbəti hücumlarının bütün Donbası ələ keçirməyə, işğal olunmuş Krıma quru keçid yaratmağa çalışacağını gözləyirik. Bu, müharibənin həlledici mərhələsidir”, - deyə cənab Stoltenberq bildirib.
Ukraynaya yardımı davam etdirmək öhdəliyi gündəmdə qalır. NATO üzvlərinin təxminən üçdə ikisi artıq ölümcül silahlar, o cümlədən sovet dövründən qalma tankları göndəriblər.
Ukraynaya gələn hərbi texnika və sursatın miqdarı sirr olaraq qalır. Lakin rəsmilər ümumi axının çox böyük olduğunu və müharibə üçün böyük əhəmiyyət kəsb etdiyini deyirlər. Amma hansı silahların daha faydalı olması və müharibənin mümkün nəticələrini necə düşünmək alyans liderlərini narahat edir.

---

---