Ukrayna ordusu daha bir vilayəti azad etdi

Ukrayna ordusu daha bir vilayəti azad etdi
Sumı vilayəti rus işğalçılarından tamamilə azad edilib, - deyə vilayət hərbi administrasiyasının rəhbəri Dmitri Jivitski bildirib.
 
Bu barədə o, Facebook-da yazıb.
 
"Region ərazisi düşməndən azaddır, buna görə də partlayış səsləri eşidirsiniz, hazırda xilasedicilər və partlayıcı texniki işçilər çalışır.  Onlar rus hərbçilərinin bizim ərazimizdə qoyub getdiyi sursatları zərərsizləşdirirlər”, - rəsmi bildirib.
 
Eyni zamanda o qeyd edib ki, rayon ərazisi çoxlu sayda minalanmış və tədqiq olunmamış ərazilərə görə təhlükəsiz deyil.
 
"Yolun kənarında dayanmayın və meşə yollarından istifadə etməyin. Dağıdılmış texnikaya və ya düşmən düşərgələrinə yaxınlaşmayın! Mən bilirəm ki, orada hər şey dəhşətlidir, amma təmizləmə vaxtı hələ çatmayıb. Birincisi, minalardan təmizləməliyik", - deyə Jivitski rayon sakinlərinə müraciət edib.
 
Xatırladaq ki, bundan əvvəl rus işğalçıları Kiyev vilayəti, Jitomir vilayəti və Çerniqov vilayətindən tamamilə qovulmuşdular.


Tarix: 8-04-2022, 11:25
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman