Bakı meri təyin olunan Eldar Əzizov son günlər ciddi kadr islahatları ilə gündəmdədir. Artıq bəzi ciddi vəzifələrdə kadr dəyişikliyi edilib, bəzi strukturlarda da qaçılmazdır. 

Bizimxeber.az-a daxil olan məlumata görə,  növbə Bakı şəhər Mənzil Kommunal Təsərrüfatı Departamentinə çatır. 

Bildiyimiz kimi, sözügedən departamentin rəisi Rəfail Mehralıyevin adı çox ciddi qalmaqallarda hallanırdı. Hətta onun adının “MTN işi” cinayətində belə keçdiyi yazılırdı. O zaman postunu qorumağı bacaran R.Mehralıyevin bu dəfə belə bir şansının olmadığı açıq-aydın ortadadır. 

Mənbə bildirir ki, yaxın günlərdə Bakı şəhər Mənzil Kommunal Təsərrüfatı Departamentində köklü kadr islahatları aparılacaq. Departamentin rəisi Rəfail Mehralıyev və ona yaxın işçilər, MİS rəsiləri vəzifədən uzaqlaşdırılacaq.

Bu posta kimin təyin olunacağı barədə suallara aydınlıq gətirən mənbə bildirdi ki, bu Eldar Əzizovun səlahiyyətindədir və sözügedən posta daha səriştəli kadr təyin olunacaq.

Daha bir maraqlı fakt isə Rəfail Mehralıyevin diğər yüksək və pullu postlara yerləşdirdiyi kadrları ilə bağlıdır. İlk vurulan şəxsin, adı 400 minlik toy qalmaqalında keçən, milyonları hara gəldi xərcləyən “Bakı Lift-Təmir İstehsalat Birliyi”nin rəhbəri Qüdrət Şükürovun olması bu fikri bir daha təsdiq edir

Mənbə bildirir ki, meriyada çox adam  “yol üstündədir”. Onların  vəzifələri ilə vidalaşacaqları an məsələsidir. İllərdir Rəfail Mehralıyevə dayaq duran müəyyən şəxslər də Eldar Əzizovun kadr islahatlarına müdaxilə edə bilmir.

Bakı şəhərindəki vəziyyəti konkret qaydasına qoymaq tapşırığı alan Eldar Əzizov paytaxtın inkişafına ziyan vura biləcək şəxslərlə işləyə bilməyəcəyini və ən optimal yolun onlarla vidalaşmaq olduğunu əla bilir.

Siam.az