“Azərbaycan xəbərləri” saytı dekabrın 31-dən sonra materialları yeniləmir və redaksiya telefonlara cavab vermir.
Qeyri-rəsmi məlumatlara görə, bütün əməkdaşlar işdən çıxarılıb, daha doğrusu başqa bir media-resursa işə keçiblər.
Məlumatlı mənbələrə görə, səbəb bu resursun dövlət başçısının keçmiş köməkçisi Əli Həsənova məxsus olmasıdır.
Noyabr ayında vəzifəsindən uzaqlaşdırılan Ə.Həsənov bundan sonra öz aktivlərini bir- birinin ardınca itirir. Bunların arasında ən böyük itki “Xəzər” telekanalıdır. Görünür, bu, onun son itkisi olmayacaq.
