Moderator.az RİA.Novosti agentliyinə istinadən xəbər verir ki, Türkmənistan prezidentinin oğlu Sərdar Berdımuhammedov xarici işlər nazirinin müavini təyin edilib.
Müvafiq qərarı prezident Qurbanqulu Berdımuhammedov imzalayıb.
Sərdar Berdımuhammedov 1981-ci ildə anadan olub. Niyazov adına Türkmənistan kənd təsərrüfatı universitetini mühəndis-texnoloq ixtisası üzrə bitirib. 2008-2011 illərdə o Rusiya XİN –in Diplomatiya akademiyasında oxuyub və beynəlxalq əlaqələr mütəxəssisi ixtisasına yiyələnib. 2011-2013 illərdə isə Cenevrədə təhlükəsizlik siyasəti Mərkəzində oxuyub və Avropa və beynəlxalq təhlükəsizlik mütəxəssisi ixtisası alıb.
25 martda keçirilən seçkilərdə o ölkə məclisinin deputatı seçilib.