Rusiyanın Severodonetsk ultimatumuna əməl olunmur
NATO-nun aparıcı rəsmisi CNN-ə deyib ki, Ukraynada müharibə artıq kritik məqama çatıbKiyev Severodonetskdə təslim olmaqla bağlı Moskvanın ultimatumunu yerinə yetirməyib.
Şəhərin meri
Oleksandr Stryuk deyib ki, ultimatumun vaxtı bitəndən sonra Rusiya qüvvələri bir neçə istiqamətdən hücuma cəhd ediblər, amma Ukrayna qüvvələri onları geri oturdub.
“Düşməni şəhər mərkəzinə sıxışdırmağa çalışırıq. Hazırda qismən uğurlar, taktiki geri çəkilmələr baş verir”, – Stryuk televiziya çıxışında deyib.
O, Ukrayna qüvvələrinin tamamilə blokadaya alınmadığını söyləyib.
“Çıxış yolları təhlükəlidir, amma var”, – mer vurğulayıb.
Severodonetskin daxil olduğu Luqansk vilayətinin başçısı
Sergey Qaydayın sözlərinə görə, ordu şəhəri müdafiə edir, Rusiya qüvvələrinin Lisiçanska yaxınlaşmağa qoymur. Siverski Donets çayının digər sahilində yerləşən Lisiçansk Ukrayna qüvvələrinin əlindədir.
“Buna baxmayaraq, rusiyalılar yaxındadır, əhali əziyyət çəkir, evlər dağılır”, – o, internetdə yazıb.
Azadlıq radiosu
Tarix: 15-06-2022, 23:00